Erakusleihoa
9. Standa: Komunikazioa eta Marketinga
Kaixo! euskarri informatiboa
Urtea: 2013 - Bezeroa: Donostiako Udala
Donostiako Udaleko Euskara Zerbitzuak sustatutako "merkatari.net" egitasmoaren baitan, "Kaixo!" euskarri informatiboa diseinatu eta editatu da. Bertan, Donostiako 7 auzotako 10 kale komertzialetan kokatutako 544 establezimenduren egoera soziolinguistikoa aztertzeko, Siadecok 2012an burutu zuen proiektu pilotuaren emaitza nagusiak jasotzen dira modu sistematikoan.
Eskuorri formatua duen euskarri honetan informazio anitza dago: hizkuntzek komunikazio komertzialean duten garrantzia, establezimenduetako hizkuntzen ezagutza, merkataritza arloko hizkuntza paisaia edota euskararen erabilerari buruzko datuak establezimenduetan. Horrez gain, Donostiako Udalak establezimenduen esku jartzen dituen zerbitzuen inguruko informazioa ere ematen da, besteak beste: diru laguntzak, ikastaroen eskaintza, testuen itzulpena edota zuzenketa egiteko zerbitzua eta komunikazio komertziala hobetzeko tresnak.